Səfəralı Üzeyir  oğlu Nəsirov  20 sentyabr 1968-ci ildə Şahbuz rayonunun Türkeş kəndində anadan olub. 1975-1985-ci illərdə Şahbuz rayonunun Türkeş kənd orta məktəbində təhsil alıb. 1985-ci ildə Xarkov Kənd Təsərrüfatı İnstitutuna daxil olub, 1991-ci ildə isə İnstitutu bitkilərin mühafizəsi ixtisası üzrə bitirib. 

1992-ci ildə Naxçıvan Muxtar Respublikası Bitki Mühafizə Stansiyasında aparıcı aqronom vəzifəsində əmək fəaliyyətinə başlayıb və 2004-2005-ci illərdə Naxçıvan Muxtar Respublikası Bitki Mühafizə Stansiyasında şöbə müdiri, 2005-2006-cı illərdə Azərbaycan Respublikasının Kənd Təsərrüfatı Nazirliyi yanında Dövlət Fitosanitar Nəzarəti Xidmətində aparıcı məsləhətçi, 2006-2013-cü illərdə  Azərbaycan Respublikasının Kənd Təsərrüfatı Nazirliyində aparıcı məsləhətçi, 2013-2015-ci illərdə Azərbaycan Respublikasının Kənd Təsərrüfatı Nazirliyində baş məsləhətçi, 2015-2019-cu illərdə Azərbaycan Respublikasının Kənd Təsərrüfatı Nazirliyində sektor müdiri, 2020-2021-ci illərdə Azərbaycan Respublikasının Qida Təhlükəsizliyi Agentliyində sektor müdiri, 2021-2022-ci illərdə Sara Qrup OSC/ATM-nin  direktoru, 2022-2023-cü illərdə isə Azərbaycan Respublikasının Qida Təhlükəsizliyi Agentliyində sektor müdiri vəzifələrində çalışıb.

07 noyabr 2023-cü ildə Naxçıvan Muxtar Respublikası Ali Məclisinin qərarı ilə Naxçıvan Muxtar Respublikasının Qida Təhlükəsizliyi Agentliyinin sədri vəzifəsinə təyin edilib.

Ailəlidir, 2 övladı var.