Naxçıvan Muxtar Respublikasının Qida Təhlükəsizliyi Agentliyi və Sədərək Rayon İcra Hakimiyyətinin birgə təşkilatçılığı ilə Sədərək rayonunda “İxrac olunan məhsulların sertifikatlaşdırılması” və “Bitkilərin xəstəlik və zərərvericiləri” mövzusunda maarifləndirici tədbir keçirilmişdir.

Tədbirdə vətəndaşlara ixrac olunan məhsullara sertifikatlarının verilməsi zamanı qanunvericiliyə uyğun qaydalara əməl edilməsi, ixrac olunacaq məhsullarla bağlı müraciət forması, məhsullara baxışın keçirilməsi, nümunələr götürülərək laboratoriya analizinin aparılması və.s istiqamətlərdə geniş məlumat verilmiş, həmçinin, bitkilərin xəstəlik və zərərvericiləri mövzusunda vətəndaşlara bitkilərin hansı xəstəliklərə yoluxması, xəstəliklərin ilkin əlamətləri, xəstəlik və zərərvericilərə qarşı vaxtında mübarizə tədbirlərinin aparılması qaydaları və s. ilə bağlı ətraflı məlumat verilmişdir.

Sonda sahibkarların sualları cavablandırılmış və maarifləndirici bukletlər paylanılmışdır.