header-img
Təhlükəsiz qida ilə sağlam gələcəyə!
NQTA kollektivi Zəfər Gününü ehtiramla qeyd edib
08 noyabr 2026 09:01

NQTA kollektivi Zəfər Gününü ehtiramla qeyd edib

Azərbaycan xalqının tarixinə qızıl hərflərlə yazılmış 8 Noyabr – Zəfər Günü milli qürur, birlik və dövlətçilik əzminin təntənəsidir. Müzəffər Ali Baş Komandan, Prezident İlham Əliyevin rəhbərliyi ilə rəşadətli Azərbaycan Ordusunun qazandığı möhtəşəm Qələbənin altıncı ildönümü ölkəmizin hər yerində böyük təntənə ilə qeyd olunur.

Zəfər Günü münasibətilə Naxçıvan Muxtar Respublikasının Qida Təhlükəsizliyi Agentliyinin kollektivi Naxçıvan şəhərindəki Zəfər Abidəsini ziyarət ediblər. Ziyarət zamanı abidə önünə gül dəstələri düzülüb, Azərbaycanın müstəqilliyi, suverenliyi və ərazi bütövlüyü uğrunda canlarını fəda edən şəhidlərimizin xatirəsi ehtiramla anılıb, onların qəhrəmanlığına dərin hörmət ifadə olunub.

Çap
img

Sahibsiz heyvanlara təmasda yoluxma riski var