Ölkə Prezidentinin “Heyvan kəsimi fəaliyyətinin tənzimlənməsi haqqında" müvafiq Sərəncamının icrası ilə bağlı müasir tələblərə uyğun heyvan kəsimi məntəqələrinin yaradılması, müvafiq laboratoriya infrastrukturlarının qurulması, baytarlıq-sanitariya normalarına cavab verməyən yerlərdə heyvan kəsimi hallarının qarşısının alınması istiqamətində Babək Rayon İcra Hakimiyyəti ilə Naxçıvan Qida Təhlükəsizliyi Agentliyi birgə tədbirlərini davam etdirir.

Məqsəd Babək rayonunda heyvan kəsimi və satışının müasir tələblərə uyğunlaşdırılması, qanunsuz heyvan kəsimi və satışı fəaliyyətinin qarşısının alınması, əhalinin sağlam ət və ət məhsulları ilə təmin olunması, istehlakçıların hüquqlarının müdafiəsidir.

Qeyd edək ki, sahibkarlar qanunvericilik çərçivəsində heyvan kəsimi məntəqələri yaratmaq üçün rayon icra hakimiyyətlərinə, mütəxəssislər tərəfindən peşəkar köməklik və baytarlıq-sanitariya normaları ilə bağlı məlumatları əldə etmək üçün Agentliyin regional bölmələrinə müraciət edə bilərlər.