Daxil olmuş şikayət əsasında Agentliyin əməkdaşları tərəfindən Naxçıvan şəhəri, Ə.Əliyev küçəsi, ev 2D ünvanında fəaliyyət göstərən “Bolmart” supermarketində plandankənar yoxlama həyata keçirilmiş, yoxlama zamanı qida təhlükəsizliyi sahəsində texniki normativ hüquqi aktların tələblərinin pozulduğu aşkar olunmuşdur. Belə ki, marketdə kərə yağlarının satışı zamanı temperatur rejiminə əməl edilmədiyi, qatıq və kərə məhsullarında aşkar kiflənmə əlamətinin müşahidə edildiyi və anbarda mal qonşuluğu prinsipinə əməl olunmadığı müəyyən edilmişdir. Faktla bağlı marketin vəzifəli şəxsi barəsində inzibati tədbir görülüb, icrası məcburi göstərişlər verilib.Agentlik əhalinin sağlamlığının qorunması və təhlükəsiz qida ilə təmin edilməsi istiqamətində ardıcıl tədbirləri bundan sonra da davam etdirəcək və istehlakçı hüquqlarının pozulmasına yönəlmiş halların qarşısı alınacaqdır.