Azərbaycan Respublikası Nazirlər Kabinetinin
"Uşaq hüquqlarının həyata keçirilməsinin bütün sahələrdə təmin edilməsi vəziyyətinin
monitorinqi üzrə meyarlar"in təsdiq edilməsi haqqında 2025-ci il 1 aprel tarixli 94 nömrəli Qərarının icrasının təmin edilməsi məqsədilə Naxçıvan Muxtar Respublikasının Qida Təhlükəsizliyi Agentliyi Naxçıvan Muxtar Respublikasının Təhsil Nazirliyi və Naxçıvan Muxtar Respublikasının Səhiyyə Nazirliyi ilə birgə Ordubad şəhərində yerləşən 3 nömrəli tam orta məktəbdə "məktəb və uşaq bağçalarında qida təhlükəsizliyi tələbləri" və “uşaqlar üçün sağlam və balanslı qidalanmanın əsas prinsipləri” mövzularında maarifləndirici görüş keçirilmişdir. Görüşdə Ordubad rayonunda fəaliyyət göstərən təhsil və məktəbəqədər təhsil müəssisələrinin vəzifəli şəxsləri, qida blokunun işçiləri, valideyinlər və şagirdlər iştirak etmişlər.
Görüş zamanı Agentliyin əməkdaşları tərəfindən bu istiqamətdə görülmüş işlər və nəzarət tədbirləri, qidalanmanın düzgün təşkili burada ətraflı məlumat vermiş, suallar cavablandırılımışdır və sonda iştirakçılara maarifləndirici bukletlər təqdim olunmuşdur. Bu kimi görüşlər muxtar respublikanın digər rayonlarında da keçiriləcəkdir.