Naxçıvan Muxtar Respublikasının Qida Təhlükəsizliyi Agentliyi və Naxçıvan Qida Təhlükəsizliyi İnstitutu tərəfindən vətəndaşların təhlükəsiz və keyfiyyətli qida məhsulları ilə təmin edilməsi, istehlakçı hüquqlarının qorunması, kütləvi tədbirlər zamanı qida zəhərlənməsi hallarının qarşısının alınması, o cümlədən COP29 tədbiri ərəfəsində qidalanmanın təşkilinə nəzarət məqsədilə ictimai iaşə obyektlərinin nümayəndələri ilə görüş keçirilib. Görüşdə iştirakçılara qidalanmanın təşkili zamanı təhlükəsiz xidmətlərin göstərilməsinin təmin edilməsi üçün həyata keçirilməsi zəruri olan işlər barədə ətraflı məlumat verilib. Sanitar-gigeynik norma və qaydalar diqqətə çatdırıb və suallar cavablandırılıb. Bundan sonra da bu kimi tədbirlərin keçirilməsi və sahibkarlıq subyektlərinə metodiki köməkliklərin göstərilməsi nəzərdə tutulur.