Naxçıvan Muxtar Respublikasının Qida Təhlükəsizliyi Agentliyində Rəqəmsal İdarəetmə və İnformasiya Mübadiləsi Sistemi mövzusunda təlim keçirlib.
Təlim zamanı sistemin imkanları, dövlət qurumları arasında məlumat mübadiləsinin elektron şəkildə həyata keçirilməsi, informasiya təhlükəsizliyinin təmin olunması və rəqəmsal idarəçilik prinsipləri barədə məlumat verilib.

Bildirilib ki, sistemin tətbiqi dövlət qurumları arasında real vaxt rejimində operativ əlaqənin qurulmasına, kağız dövriyyəsinin azaldılmasına, məlumatların təhlükəsiz və sürətli ötürülməsinə, eləcə də idarəetmədə şəffaflığın artırılmasına xidmət edir.

Təlim iştirakçılarına sistemdən istifadə qaydaları izah olunub və praktiki nümunələr təqdim edilib.