Naxçıvan Muxtar Respublikasının Qida Təhlükəsizliyi Agentliyinin inzibati binasında muxtar respublikada fəaliyyət göstərən quşçuluq təsərrüfatlarının nümayəndələri ilə görüş keçirilib.

Görüşdə quşların yetişdirilməsi zamanı mövcud standartlara və keyfiyyət göstəricilərinə ciddi əməl olunması, hormonal və antibakterial preparatların istifadəsi qaydası, quşçuluq təsərrüfatlarında dezinfeksiya, dezinseksiya və deratizasiya işlərinin aparılmasının vacibliyi, qanunvericiliyin tələbləri çərçivəsində tullantıların idarə edilməsi və zərərsizləşdirilməsi qaydaları izah edilmiş, quşçuluq təsərrüfatları tərəfindən baytarlıq uçot və hesabatların Agentliyə təqdim edilməsi bildirilmiş, sahibkarları maraqlandıran suallar cavablandırılmışdır.