Naxçıvan Muxtar Respublikasının Qida təhlükəsizliyi Agnetliyində 20 Sentyabr - Dövlət Suverenliyi Günü münasibətilə tədbir keçirilib.

Tədbir iştirakçıları ilk olaraq Azərbaycanın dövlət suverenliyinin bərpası uğrunda canından keçmiş şəhidlərin əziz xatirəsini bir dəqiqəlik sükutla yad ediblər.

Tədbiri giriş sözü ilə açan Agentliyin sədri Səfəralı Nəsirov beş il əvvəl Prezident, Ali Baş Komandan İlham Əliyevin rəhbərliyi altında rəşadətli Azərbaycan Ordusunun Vətən müharibəsində düşmən üzərində tarixi qələbə qazanaraq 30 illik işğala son qoyduğunu bildirib. Döyüş meydanında əldə edilən şanlı zəfərin davamı olaraq 2023-cü ilin sentyabr ayında aparılan birgünlük əməliyyat nəticəsində dövlət suverenliyimiz tam bərqərar edilib. Dövlət Suverenliyi Gününün təsis olunması həmin dəyərlərin əbədiləşdirilməsi və gələcək nəsillərə dövlətçiliyimizin möhtəşəm rəmzi kimi ötürülməsi baxımından mühüm tarixi hadisədir.
Qeyd olunub ki, dövlət müstəqilliyimizin möhkəmlənməsində və dövlətçilik ənənələrinin qorunub saxlanılmasında müstəsna rolu olan Ulu Öndər Heydər Əliyevin qətiyyətli siyasəti nəticəsində müstəqilliyimizin itirilməsi təhlükəsinin qarşısı alınıb. Sonrakı illərdə isə Prezident İlham Əliyevin siyasi iradəsi, uzaqgörən strategiyası və qətiyyətli mübarizəsi sayəsində Azərbaycan dövlətçiliyi möhkəmlənib, ölkəmizin ərazi bütövlüyü və dövlət suverenliyi tam təmin olunub.

Daha sonra çıxışlar dinlənilib və videoçarx nümayiş etdirilib.