Naxçıvan Muxtar Respublikası Ali Məclisi sədrinin 2026-cı il 21 yanvar tarixli 210-07/S nömrəli Sərəncamı ilə təsdiq edilmiş "Naxçıvan Muxtar Respublikasının ərazisinin heyvan xəstəliklərindən azad zona elan edilməsi məqsədilə müvafiq hazırlıq işlərinin görülməsi üçün fəaliyyətin təkşili ilə bağlı Tədbirlər Planı"nın 1.9-cu yarımbəndinin icrasını təmin etmək məqsədilə Agentlik tərəfindən aidiyyəti qurumlarla birgə Naxçıvan şəhərində, Şərur, Kəngərli və Sədərək rayonlarında maarifləndirmə tədbiri keçirilmişdir.

Tədbir çərçivəsində sahibkarlara "Heyvanların düzgün yemlənməsi - sağlamlıq və məhsuldarlıq üçün əsas prinsiplər" , "Kənd təsərrüfatı heyvanlarının identikləşdirilməsinin əhəmiyyəti", "Baytarlıq - sanitariya və zootexnik tələblərə uyğun saxlanılması" və "Meyvə ağaclarının bakterial yanığı xəstəliyi" mövzularında ətraflı məlumat verilmişdir. Eyni zamanda sahibkarları maraqlandıran suallar cavablandırılmış, sonda isə maarifləndirici bukletlər paylanılmışdır.