Şahbuz rayon Badamlı qəsəbəsində fəaliyyət göstərən “Badamlı Quşçuluq” MMC-də Agentlik əməkdaşları tərəfindən həyata keçirilən plandankənar yoxlama zamanı müəssisədə qida təhlükəsizliyi sahəsində normativ hüquqi aktların, sanitariya norma və qaydalarının tələblərinin pozulduğu müəyyən edilib. Belə ki, kəsim zamanı proseslərin həyata keçirilməsi üçün müvafiq bölmələrin təşkil olunmadığı, alət və avadanlıqların, döşəmənin korroziyaya davamlı materialdan hazılanmadığı, kanalizasiya sisteminin təşkil olunmadığı, temperaturun monitorinqinin aparılmadığı müəyyən edilmişdir. Faktla bağlı müəssisə rəhbəri barəsində inzibati protokol tərtib edilərək, nöqsanlar aradan qaldırılanadək müvafiq məhdudlaşdırıcı tədbirlər tətbiq edilmişdir.