Səfəralı Nəsirov Şərurda vətəndaşları qəbul edib

Naxçıvan Muxtar Respublikası Qida Təhlükəsizliyi Agentliyinin (NQTA) sədri Səfəralı Nəsirov aprelin 15-də Şərur Rayon İcra Hakimiyyətində vətəndaşları qəbul edib.

Qəbuldan əvvəl Agentliyin sədri Səfəralı Nəsirov və Şərur Rayon İcra Hakimiyyətinin başçısının müavini Novruz Süleymanov Ümummilli Lider Heydər Əliyevin abidəsini ziyarət edib, önünə gül dəstələri düzüb, xatirəsini ehtiramla yad ediblər.

NQTA-nın məsul əməkdaşlarının iştirakı ilə keçirilmiş qəbula gələn vətəndaşların müraciətləri diqqətlə dinlənilib, bir qismi yerində öz həllini tapıb, qaldırılan bəzi məsələlər isə araşdırılması üçün nəzarətə götürülüb. Agentliyin fəaliyyət dairəsinə aid olmayan müraciətlər müvafiq qurumlara çatdırılmaq üçün qeydiyyata alınıb

NQTA sədri vətəndaşların qəbulu ilə əlaqədar Şərur rayonuna səfəri çərçivəsində istixana təsərrüfatlarına baxış keçirib.