Naxçıvan Muxtar Respublikasının Qida Təhlükəsizliyi Agentliyi Naxçıvan Muxtar Respublikasının Səhiyyə Nazirliyi ilə birgə Naxçıvan Dövlət Universitetində müəllim və tələbələrin iştirakı ilə "şəkəri azalt, ömrünü uzat” mövzusunda maarifləndirici görüş keçirilmişdir. Görüş zamanı Agentlik və Naxçıvan Qida Təhlükəsizliyi İnstitutunun əməkdaşları tərəfindən şəkərdən düzgün istifadə, faydaları və zərərləri barədə, həmçinin qida təhlükəsizliyi sahəsində görülmüş işlər və nəzarət tədbirləri, qidalanmanın düzgün təşkili barədə ətraflı məlumat verilmiş, suallar cavablandırılımış və sonda iştirakçılara maarifləndirici bukletlər təqdim olunmuşdur. Bu kimi görüşlər Universitetin nəzdində fəaliyyət göstərən digər təhsil müəssisələrində də keçiriləcəkdir.