2025-ci ilin 8 may tarixində Naxçıvan Muxtar Respublikası Qida Təhlükəsizliyi Agentliyində 2025-ci ilin Azərbaycan Respublikasında “Konstitusiya və Suverenlik İli” elan edilməsi ilə bağlı “Ümummillli lider Heydər Əliyev müstəqil Azərbaycan Konstitusiyasının müəllifidir” mövzusunda tədbir keçirilmişdir.

Tədbiri giriş sözü ilə Agentliyin sədri Səfəralı Nəsirov açıq elan etdikdən sonra Ümummilli lider Heydər Əliyevin xatirəsi bir dəqiqəlik sükutla yad edilib. Daha sonra Agentlik sədri Azərbaycan xalqının öz suveren hüquqlarının bərpa edilməsində Ulu Öndərin həyata keçirdiyi misilsiz xidmətlərdən bəhs edərək bildirdi ki, bu il Azərbaycan Respublikası Konstitusiyasının qəbul edilməsindən 30 il keçir. Həmçinin Agentlik sədri Müzəffər Ali Baş Komandan, Prezident İlham Əliyevin rəhbərliyi və qətiyyəti ilə ölkəmizin ərazi bütövlüyünün və suverenliyinin tam bərpa edildiyini, bununla da Azərbaycan Konstitusiyasının hüquqi qüvvəsinin işğalın aradan qaldırıldığı bütün ərazilərdə bərqərar olunduğunu qeyd edərək ətraflı çıxış etmişdir.

Sonda Ümummilli lider Heydər Əliyevə həsr edilmiş videoçarx nümayiş etdirilib.