Azərbaycan Respublikasının Qida Təhlükəsizliyi Agentliyi tərəfindən aparılan nəzarət tədbirləri bir neçə dondurma məhsulu partiyasında “enterobacteriaceae” bakteriyaları aşkarlanmışdır. Uyğunsuzluq aşkarlanmış dondurmaların satışdan geri çağırılması barədə Naxçıvan MR Qida Təhlükəsizliyi Agentliyi tərəfindən ticarət şəbəkələrinin rəhbərlərinə xəbərdarlıq edilmişdir. Məhsulların geri çağırılması ilə bağlı topdançı şirkətlər tərəfindən Agentliyə yazılı müraciət daxil olmuş və 9240 ədəd “Qoşa qapı” əmtəə nişanlı vanilli Eskimo( N158; 02.04.2024-02.02.2025), 7440 ədəd “İçərişəhər” əmtəə nişanlı vanilli plombir (30.03.2024-30.01.2025) və 2880 ədəd “Yolka” əmtəə nişanlı qaymaqlı dondurma (30.03.2024-30.01.2025) məhsulları olmaqla ümumilikdə 19560 ədəd məhsulun məhv edilməsi barədə müvafiq qərar qəbul edilmişdir. Məhvetmə prosesi Agentlik əməkdaşlarının iştirakı ilə 10.07.2024-cü il tarixdə həyata keçirilmişdir. İnsanların həyat və sağlamlığının qorunması istiqamətində bundan sonra da nəzarət tədbirləri həyata keçiriləcək və ictimaiyyətə məlumat veriləcəkdir.