Agentlik tərəfindən Babək rayon, Hacıvar kəndində fəaliyyət göstərən Qafarov Rüstəm Şəmil oğluna məxsus ilkin istehsal müəssisəsində aparılan planlı yoxlama zamanı nöqsanlar aşkar edilmişdir. Belə ki, yuyucu maddələr və dezinfeksiyaedici vasitələrin saxlanması üçün xüsusi yerlərin təşkil edilmədiyi, dezinfeksiya işlərinin aparılmadığı, işçilərin gigiyena qaydalarına düzgün riayət etmədikləri, xüsusi geyim formasının olmadığı, döşəmə, divar və tavan səthlərinin tamlığının pozulduğu, sexdə temperaturun monitorinqinin qeydiyyatının aparılmadığı, ilkin istehsal məhsullarının saxlama anbarları və daşınması üçün istifadə olunan nəqliyyat vasitəsinin təmiz saxlanılmadığı və müntəzəm olaraq dezinfeksiya edilmədiyi aşkarlanmışdır. Aşkarlanmış nöqsanların aradan qaldırılması üçün müvafiq göstərişlər verilmiş, sahibkar barəsində inzibati protokol tərtib olunmuşdur. Bu kimi halların baş verməməsi məqsədilə Agentlik tərəfindən mütəmadi olaraq bütün qida obyektləri dəfələrlə maarifləndirilmiş və müvafiq göstərişlər verilmişdir. Verilmiş tapşırıqların yerinə yetirilməsi və istehlakçı hüquqlarının müdafiəsi istiqamətində nəzarət tədbirləri davam etdirilir və aşkarlanmış nöqsanlarla bağlı zəruri tədbirlər görüləcəkdir.