Babək rayonu Qoşadizə məhəlləsində fəaliyyət göstərən “Babək Çörək” MMC-nin çörək emalı müəssisəsində plandankənar yoxlama aparılmışdır. Yoxlama zamanı bir sıra nöqsanlar aşkar edilmişdir. Belə ki, emal müəsisəsində sanitar gigiyenik qaydalara əməl olunmadığı, istifadə olunan alət və avadanlıqların yararsız olduğu, dezinfeksiya işlərinin aparılmadığı, döşəmə və tavanın tamlığının pozulduğu, obliqat qrup işçilərin dövri tibbi müayinədən keçmədiyi müəyyən edilmişdir. Faktla bağlı sahibkar barəsində protokol tərtib olunub, müvafiq məhdudlaşdırıcı qərar qəbul edilmişdir.