Babək rayon Badaşqan kəndində fəaliyyət göstərən ərzaq mağazasında Agentliyin əməkdaşları tərəfindən plandankənar yoxlama həyata keçirilmişdir. Yoxlama zamanı qida təhlükəsizliyi sahəsində texniki normativ hüquqi aktların tələblərinin pozulduğu müəyyən edilmişdir. Belə ki, bəzi qida məhsullarının mağazanın xaricində bir başa günəş şüaları altında saxlanıldığı, satışda olan bir ədəd "Bizim dana" və 9 ədəd “Ovçular”əmtəə nişanlı yarımhisə verilmiş kolbasa məhsullarının yararlıq müddətinin bitdiyi, işçilərin dövri tibbi müayinədən keçmədiyi aşkarlanmışdır. Aşkar olunan uyğunsuzluqlarla bağlı mağazanın vəzifəli şəxsi barəsində İnzibati Xətalar Məcəlləsinin müvafiq maddələri ilə inzibati xəta haqqında protokol tərtib olunub və məhdudlaşdırıcı tədbirlərin tətbiqi barədə qərar qəbul edilmişdir.