Naxçıvan şəhəri 49-cu məhəllədə fəaliyyət göstərən marketdə aparılan plandankənar yoxlamalar zamanı bir sıra nöqsanlar aşkar edilmişdir. Belə ki, marketdə mal qonşuluğu prinsipinə əməl olunmadığı, temperatur rejiminin pozulduğu, anbarda məhsulların saxlanması zamanı xüsusi altlıqlardan istifadə edilmədiyi və etiketlənmə qaydalarına əməl olunmadığı müəyyən edilmişdir. Faktla bağlı sahibkar barəsində protokol tərtib olunub və qeyd olunan nöqsanların aradan qaldırılması üçün müvafiq göstərişlər verilmişdir. İstehlakçı hüquqlarının qorunması istiqamətində bundan sonra da Agentlik tərfindən nəzarət tədbirləri davam etdiriləcəkdir.