Ordubad rayonu Vənənd kəndində fəaliyyət göstərən İbrahimov Əfqan Abbas oğluna məxsus kafedə Agentliyin əməkdaşları tərəfindən aparılan dövlət nəzarəti tədbirləri zamanı normativ tələblərin pozulduğu məlum olumuşdur. Belə ki, obyektin qida təhlükəsizliyi qeydiyyatından keçmədiyi, işçilərin tibbi müayinələrə cəlb olunmadığı və şəxsi gigiyena qaydalarına əməl etmədiyi, üzərində heç bir markalanması olmayan, ev şəraitində hazırlanmış turşulardan istifadə olunduğu və digər nöqsanlar aşkar edilmişdir. Faktla bağlı qanunvericiliyə uyğun tədbirlər görülmüş, kafenin fəaliyyəti məhdudlaşdırılmışdır.