Agentlik tərəfindən Ordubad rayon Dəstə kəndində fəaliyyət göstərən Quliyev Muxtar Əli oğluna məxsus çayxanada aparılan planlı yoxlama zamanı ciddi nöqsanlar aşkar edilmişdir. Belə ki, qida obyektinin qeydiyyatdan keçmədiyi, dezinfeksiya işlərinin aparılmadığı, kanalizasiya qurğularının çirklənmə riskinin yaranmasını istisna edəcək vəziyyətdə qurulmadığı, tullantıların ağzı kip bağlanan, qoxu yaymayan və su keçirməyən paketlərdə tullantılar üçün ayrılmış qablarda kənarlaşdırılmadığı, işçilərin xüsusi geyim formalarının olmadığı, qida ilə təmasda olan alət və avadanlıqların təmiz saxlanılmadığı, mətbəxdə tavan səthinin təmirə ehtiyacının olduğu aşkarlanmışdır. Aşkarlanmış nöqsanların aradan qaldırılması üçün müvafiq göstərişlər verilmiş, sahibkar barəsində inzibati protokol tərtib olunmuşdur. Bu kimi halların baş verməməsi məqsədilə Agentlik tərəfindən mütəmadi olaraq bütün qida obyektləri dəfələrlə maarifləndirilmiş və müvafiq göstərişlər verilmişdir. Verilmiş tapşırıqların yerinə yetirilməsi və istehlakçı hüquqlarının müdafiəsi istiqamətində nəzarət tədbirləri davam etdirilir və aşkarlanmış nöqsanlarla bağlı zəruri tədbirlər görüləcəkdir.