Naxçıvan şəhəri Ə.Əliyev 122 ünvanında fəaliyyət göstərən “Tac dönər” dönərxanasında Agentliyin əməkdaşları tərəfindən plandankənar yoxlama keçirilmişdir. Yoxlama zamanı dönərxanada normativ tələblərin pozulduğu məlum olub. Belə ki, məhsulların müvafiq temperaturda saxlanması və emalı üçün şəraitin təmin edilmədiyi, temperaturun monitorinqi və qeydiyyatının aparılmadığı, işçilərin tibbi müayinədən keçmədiyi və şəxsi gigiyena qaydalarına əməl etmədiyi, qida məhsulları ilə təmasda olan səthlərin normativ tələblərə uyğun olmadığı və digər nöqsanlar aşkar edilmişdir. Faktla bağlı sahibkar barəsində protokol tərtib edilib, istehlaka yararsız dönər məhsulunun satışı dayandırılaraq obyektin fəaliyyəti məhdudlaşdırılıb.