Bayram günlərində sağlam qidalanmanın təmin edilməsi məqsədilə Naxçıvan Muxtar Respublikasının Qida Təhlükəsizliyi Agentliyi tərəfindən Yeni il hədiyyə qutuları ilə bağlı aparılan monitorinqlər zamanı 1288 ədəd bağlamada istehlakçı hüquqlarının pozulmasına səbəb olan faktlar aşkarlanmışdır. Belə ki, satışda olan 940 ədəd “Маша и Mедведь” əmtə nişanlı şokoladlı popkorn məhsullarının qablaşmasında istehsalçı tərəfindən iki fərqli son istifadə tarixi qeyd olunduğu, istehsalçının qida təhlükəsizliyi qeydiyyatına alınmadan fəaliyyət göstərdiyi, həmçinin 348 ədəd müxtəlif adda hədiyyə qutularının etiket məlumatındakı məhsullarla içərisindəki məhsulların son istifadə tarixlərinin fərqli olduğu aşkarlanmışdır. Aşkarlanmış 940 ədəd hədiyyənin etiket məlumatlarının dəyişdirilməsi təmin edilmədiyindən satışdan kənarlaşdırılmışdır. Hazırda monitorinqlər davam etdirilir.